MURUS Caesaris

MURUS Caesaris

A Lacu Lemanno, quem Rhodanus influit, ad montem Iuram, qui fines Sequanorum ab Helvetiis dividit, mill. pass. 10. (ita legi vult Cluverius) murum in altitudinem pedum sedecim Fossamque se perduxisse, memorat Casesar. l. 1. Bell. Gall. c. 8. Hunc, prope Genevam, non longe ab Rhodani e lacu effluxu ad montem Iuram, quidam: Gaudardus, inter ipsam urbem, Genevam, et ipsos Helvetios, incipiendo paulo supra urbem versus locum in radice montis, ubi vicus Iornan, et

pergendo per Gayensis territorii medium, exstructum fuisse autumat, ad Helvetios intra suos sines coercendos. Nonnulli murum usque ad Virginis Castrum extendunt. In hoc tria miratur Plantinus, longitudinem, firmitatem (fossâ enim variisque castellis egregie munitus erat) et temporis in eo exstruendo brevitatem, in Helvetia Antiqua et Nova. Eius non obstructa se vidisse vestigia, refert Merula part. 2. l. 3. c. 43.